المرجع الشامل لطلاب BTEC في الأردن — بُني من الطلاب، لخدمة الطلاب.
بدأ BTECHub كمرجع مبسّط لطلاب تخصص تكنولوجيا المعلومات، ثم تطوّر إلى منصة تغطي جميع تخصصات BTEC المعتمدة في الأردن: من نبذة كل تخصص ووحداته، إلى الجامعات المناسبة له، إلى مساره المهني الكامل.
أن يشعر أي طالب BTEC في الأردن، عند دخوله الموقع، أن هذا هو المرجع الرئيسي لفهم تخصصه ومستقبله — بلا حشو وبلا تعقيد.
نجمع المعلومات من مواصفات Pearson BTEC الرسمية ومصادر وزارة التربية والتعليم الأردنية، ونوضح بصراحة أي معلومة عامة تحتاج تحققاً إضافياً قبل الاعتماد عليها نهائياً.
تقدر تقرأ بالتفصيل شو المعلومات يلي بنجمعها من زوار الموقع وكيف بنتعامل معها.
سياسة الخصوصية ↗طالب BTEC تخصص تكنولوجيا المعلومات، وأنا مَن يكتب هذا الكلام الآن. دخلت BTEC وأنا تايه بين مصطلحات إنجليزية ومعايير Pass/Merit/Distinction ما كان أحد يفسّرها لنا ببساطة، وكل معلومة كنت بلاقيها كانت مبعثرة بين PDF قديم أو شرح ناقص من حد تاني. قررت أوثّق كل اشي كنت بتعلمه بطريقتي الخاصة — صفحة صفحة — لحتى ما يضيع وقتي أنا، وصار الملف هذا أكبر من إني أحتاجه لحالي بس.
BTECHub مش مشروع تخرّج ولا شغل مدرسي — هو شي بنيته بوقتي الخاص بالكامل (تصميم، برمجة، كتابة محتوى) لأني بصراحة تعبت من رؤية طلاب كل سنة يعيدون نفس الأخطاء ونفس التخبيط يلي عشته أنا. بتعلّم البرمجة والتصميم أساساً من خلال بناء هذا الموقع نفسه، وبضيف وبصحّح فيه باستمرار كل ما تعلّمت اشي جديد أو انتبهت لغلط — فيه مجال يتحسّن أكتر، وهاي بالنسبة إلي ميزة مش عيب.
ما لقيت مرجع عربي واحد يشرح نظام BTEC من البداية للنهاية بدون حشو — فقررت أبنيه بنفسي بدل ما أكمل أشتكي منه.
كل كلمة فيه كتبها طالب عدّى بنفس التجربة، مش ترجمة جافة أو نسخ من موقع بيرسون الرسمي.